We, Medical Family Mandalay, would like to inform you that all the necessary supplies are successfully delivered to the IDPs of Mindat , Chin State. We are here to thank all the local and foreign donors for their generous donations.
“မင်းတပ်မြို့ရှိ စစ်ဘေးရှောင် ပြည်သူများအား လိုအပ်သော အသုံးအဆောင်နှင့် ဆေးဝါးပစ္စည်းများ ပေးပို့ ကူညီထောက်ပံ့ပြီးစီးကြောင်း”
အာဏာသိမ်း စစ်ကောင်စီ၏ မတရားသဖြင့် အကြမ်းဖက် ပစ်ခတ်ဖျက်ဆီးမှုများကြောင့် စစ်ပွဲဒဏ်ကို အပြင်းအထန်ရင်ဆိုင်နေရသည့် ချင်းပြည်နယ်၊ မင်းတပ်မြို့ရှိ စစ်ဘေးရှောင်ပြည်သူများအတွက် လိုအပ်လျက်ရှိသော ဆေးဝါးပစ္စည်းများနှင့် အခြားသော အသုံးအဆောင်ပစ္စည်းများကို မိဘပြည်သူ ကျောင်းသားလူထုကိုယ်စား ကျွန်ုပ်တို့ ကျန်းမာရေးမိသားစု – မန္တလေးက ဦးဆောင်၍ သိန်းပေါင်းရာချီတန်ဖိုးရှိသော ဆေးဝါးပစ္စည်းများနှင့် အသုံးအဆောင်များအား ပို့ဆောင် ကူညီထောက်ပံ့ပေးနိုင်ခဲ့ပါသည်။ ပစ္စည်းများလည်း အောင်မြင်လုံခြုံစွာ ရောက်ရှိသွားပါပြီ။လူသားအချင်းချင်းစာနာထောက်ထားမှုအပြည့်ဖြင့် စေတနာသဒ္ဓါတရားထက်သန်စွာ ဝိုင်းဝန်းလှူဒါန်းကြသော ပြည်တွင်းပြည်ပမှ အလှူရှင်များအား ကျန်းမာရေးမိသားစု မန္တလေးမှ ကျေးဇူးတင်စွာ မှတ်တမ်းတင်ဂုဏ်ပြုအပ်ပါသည်။အရေးတော်ပုံ အောင်ရမည်။
